رسالة من خلية أحباء الترجي للهيئة المديرة

أطلقت عديد الصفحات الخاصة بجماهير الترجي هاشتاغ سبب الابونمونات تليه رسالة إلى رئيس الفريق السيد حمدي المدب و هذا ما ورد فيها :

“” رسالة إلى إدارتنا و على رأسها السيد حمدي المدب

طلب بسيط يتمثل في طرح اشتراكات الموسم الجديد في اقرب وقت ممكن ما تعملولناش كيما كل عام
كما يجب طرح الإشتراكات في نقاط بيع مختلفة تغطي كامل تراب الجمهورية بالتعاون مع (خلايا الأحباء داخل تونس و خارجها) و مغازات الترجي ستور و جميع نقاط بيع Tunisie telecom الراعي الرسمي للفريق من أجل تسهيل عملية البيع لجميع المكشخين.
اجراء مهم جدا و بالتأكيد سيقطع الطريق على السوق السوداء كما سيساعد في تحقيق عدد اشتراكات قياسي
الجمهور اللي حضر 10 الاف في حصة تدريبية
و 60 الف في رادس بعد اسبوع برك من خمسة مازمبي
و 45 الف في المنزه في وسط اسبوع و الشتاء تصب بعد 3 ايام برك من خسارة الدربي 3-0
الجمهور اللي ديبلاصا بارقام قيلسية قادر يعمل رقم تاريخي في الاشتراكات لو تعرفو كيفاه تسوقوهم
يرحم والديكم راو مجرد رقم 30 الف مشترك بمعدل ثمن 150دينار يعني 4 مليارات و 500 بالمرتاح و اللي هو رقم موش صعيب على جمهورنا
نرجوا من جميع الصفحات تعميم الفكرة خدمة لمصلحة الترجي و محبيها “”